Comment certains gouverneurs de Picrochole par conseil precipite le mirent au dernier peril. Chapitre. xxxiij.

Les fouaces destroussees comparurent davant Picrochole, les duc de Menuail, comte Spadassin, et capitaine Merdaille, et luy dirent. Cyre aujourdhuy nous vous rendons le plus heureux, plus chevaleureux prince qui oncques feust depuis la mort de Alexandre Macedo. Couvrez couvrez vous dist Picrochole. Grand mercy (dirent ilz) Cyre, nous sommes a nostre debvoir. Le moyen est tel, vous laisserez icy quelque capitaine en garnison avec petite bande

Page Fu.92.
de gens, pour garder la place, laquelle nous semble assez forte tant par nature, que par les rampars faictz a vostre invention. Vostre armee partirez en deux, comme trop mieulx l'entendez.

L'une partie ira ruer sur ce Grandgousier, et ses gens. Par icelle sera de prime abordee facilement desconfi. La recouvrerez argent a tas. Car le vilain en a du content, vilain, disons nous Par ce que un noble prince n'a jamais un sou. Thesaurizer, est faict de vilain.

L'aultre partie ce pendent tirera vers Onys, Sanctonge, Angomoys, et Gascoigne : ensemble Perigot, Medoc, et Elanes. Sans resistence prendront villes, chasteaux, et forteresses. A Bayonne, a sainct Jean de Luc, et Fontarabie sayzirez toutes les naufz, et coustoyant vers Galice, et Portugal, pillerez tous les lieux maritimes, jusques a Uisbonne, ou aurez renfort de tout equipage requis a un conquerent. Par le corbieu Hespaigne se rendra, car ce ne

Page [92v]
sont que Madourrez. Vous passerez par l' estroict de Sibyle, et la erigerez deux colomnes plus magnificques que celles de Hercules, a perpetuelle memoire de vostre nom. Et sera nomme cestuy destroict la mer Picrocholine .

Passee la mer Picrocholine, voicy Barberousse qui se rend vostre esclave. Je (dist Picrochole) le prendray a mercy. Voyre (dirent ilz) pourveu qu'il se face baptiser. Et oppugnerez les royaulmes de Tunic, de Hippes, Argiere, Bone : Corone, hardiment toute Barbarié. Passant oultre retiendrez en vostre main Majorque, Minorque, Sardaine, Corsicque, et aultres isles de la mer Ligusticque et Baleare. Coustoyant a gausche, dominerez toute la Gaule Narbonicque, Provence, et Allobroges, Genes, Florence, Lucques, et a dieu seas Rome. (Le pauvre monsieur du pape meurt desja de peur. Par ma foy dist Picrochole, je ne luy baiseray ja sa pantoufle) Prinze Italie voyla Naples,

Page Fu.93.
Calabre, Appoulle et Sicile toutes a sac, et Malthe avec. Je vouldrois bien que les plaisans chevaliers jadis Rhodiens vous resistassent, pour veoir de leur urine. Je iroys (dict Picrochole) voluntiers a Laurette. Rien rien, dirent ilz, ce sera au retour. De la prendrons Candide, Cypre, Rhodes, et les isles Cyclades, et donnerons sus la Moree. Nous la tenons. Sainct Treignan dieu gard Hierusalem, car le Soubdan n'est pas comparable a votre puissance. Je (dist il) feray doncques bastir le temple de Salomontemple de SalomonSalomon. Non, dirent ilz, encores, attendez un peu: ne soyez jamais tant soubdain a voz entreprinses.

Scavez vous que disoit Octavian Auguste ? Festina lente. Il vous convient premierement avoir L' asie minor, Carie, Lycie, Pamphile, Celicie, Lydie, phrygie, Mysie, Betune, Charazie Satalie, Samagarie, Castamena, Luga, Savasta : jusques a Euphrates. Voyrons nous, dist Picrochole, Babylone,

Page [93v]
et le mont Sinay ? Il n'est dirent ilz, ja besoing pour ceste heure. N'est ce pas assez tracasse dea avoir transfrete la mer Hircane, chevauche les deux Armenies, et les troys Arabies ? Par ma foy, dist il, nous sommes affolez. Ha pauvres gens (Quoy? dirent ilz) Que boyrons nous par ces desers. Car Julian Auguste et tout son oust y moururent de soif, comme l'on dict. Nous (dirent ilz) avons ja donne ordre a tout. Par la mer Siriace vous avez neuf mille quatorze grands naufz chargees des meilleurs vins du monde, elles arriverent a Japhes. La se sont trouvez vingt et deux cens mille chameaulx, et seize cens Elephans, lesquelz aurez prins a une chasse environ Sigeilmes, lors que entrastes en Libye : et d'abondant eustes toute la Garavane de Lamecha. Ne vous fournirent ilz de vin a suffisance?

Voyre mais, dist il, nous ne beumes poinct frais. Par la vertus, dirent ilz non pas d'un petit poisson un preux, un

Page Fu.94.
conquerent, un pretendent et aspirant a l'empire univers, ne peut tousjours avoir ses aizes. Dieu soit loue que estes venu vous et voz gens saufz et entiers jusques 'au fleuve du Tigre. Mais dist il, que faict ce pendent la part de nostre armee qui desconfit ce villain humeux Grandgousier ? Ilz ne chomment pas (dirent ilz) nous les recontrerons tantost. Ilz vous ont pris Bretaigne, Normandie, Flandres Haynault, Brabant, Artoys, Hollande, Selande, ilz ont passe le Rhein par sus le ventre des Suices et Lansquenetz, et par d'entre eulx ont dompte Luxembourg : Lorraine, la Champaigne, Savoye jusques a Lyon, auquel lieu ont trouve voz garnisons retournans des conquestes navales de la mer Mediterranee.Et se sont reassemblez en Boheme, apres avoir mis a sac Soueve, Vuitemberg, Bavieres, Austriche, Moravie et Stirie. Puis ont donne fierement ensemble sus Lubek Norwerge, Sweden, Rich, Dace,
Page [94v]
Gotthie, Engroneland, les Estrelins, jusques a la Mer Glaciale. Ce faict conquesterent les isles Orchades, et subjuguerent Escosse, Angleterre, et Irlande. De la navigans par la mer sabuleuse, et par les Sarmates, ont vaincu et domine Prussie, Polonie Litwanie, russie, Valache, la Transsil vane et Hongrie, Bulgarie, Turquie, et sont a Constantinoble. Allons nous, dist Picrochole, rendre a eulx le plus toust, car je veulx estre aussi empereur de Thebizonde. Ne tuerons nous pas tous ces chiens Turcs et Mahumetistes? Que diable, dirent ilz, ferons nous doncques?

Et donnerez leurs biens et terres, a ceulx qui vous auront servy honnestement. La raison (dist il) le veult, c'est equite. Je vous donne la Carmaigne Surie, et toute Palestine. Ha dirent ilz, Cyre, c'est du bien de vous: grand mercy. Dieu vous face bien tousjours prosperer. La present estoit un vieux gentil homme esprouve en divers hazars,

Page Fu.95.
et vray routier de guerre, nomme Echephron, lequel ouyant ces propous dist. J'ay grand peur que toute ceste entreprinse sera semblable a la farce du pot au laict, duquel un cordouannier se faisoit riche par resverie: puis le pot casse n'eut de quoy disner. Que pretendez vous par ces belles conquestes? Quelle sera la fin de tant de travaulx et traverses? Ce sera: dist Picrochole, que nous retournez repouserons a noz aizes, dont dist Echephron, et si par cas jamais n'en retournez? Car le voyage est long et pereilleux. N'est ce mieulx que des maintenant nous repousons, sans nous mettre en ces hazars? O dist Spadassin, par dieu voicy un bon resveux, mais allons nous cacher au coing de la cheminee: et la passons avec les dames nostre vie et nostre temps, a enfiller des perles, ou a filler comme Sardanapalus. Qui ne se adventure n'a cheval ny mule. Ce dist Salomon. Qui trop (dist Echephron) se adventure
Page [95v]
perd cheval et mulle. Respondit Malcon. Baste, dist Picrochole passons oultre. Je ne crains que ces diables de legions de Grandgousier, ce pendent que nous sommes en Mesopotamie s'ilz nous donnoient sus la queue quel remede? Tresbon, dist Merdaille, une belle petite commission, laquelle vous envoirez es Moscovites, vous mettra en camp, pour un moment quatre cens cinquante mille combatans d'eslite. O si vous me y faictes vostre lieutenant, je tueroys un pigne pour un mereier. Je mors, je rue, je frappe, je attrape, je tue, je renye. Sus, sus, dict Picrochole, qu'on despesche tout, et qui me ayme si me suyve.

Réel    Hypothétique    Fictif    Mythique   
Région, contrée    Ville, village    Bâtiment    Étendue, cours d'eau    Montagne, île, ...    Autre