Comment Pantagruel vint a Paris : et des beaulx livres de la librairie de sainct Victor. Chapitre. vij.

Apres que Pantagruel eut fort bien estudie en Aurelians, il delibera visiter la grande universite de Paris, mais devant que partir fut adverty que une grosse et enorme cloche estoit a sainct Aignan dudict Aurelians, en terre: passez deux cens quatorze ans: car elle estoit

tant grosse que par engin aulcun ne la povoit on mettre seullement hors terre, combien que l'on y eust applicque tous les moyens que mettent Vitruvius de architectura, Albertus de re edificatoria, Euclides, Theon, Archimedes, et Hero de ingeniis, car tout n'y servit de rien. Dont voluntiers encliné a l'humble requeste des citoyens et habitans de ladicte ville, delibera la porter au clochier a ce destine.De faict vint au lieu ou elle estoit: et la leva de terre avecques ques le petit doigt aussi facillement que feriez une sonnette d'esparvier. Et devant que la porter au clochier, Pantagruel en voulut donner une aubade par la ville, et la faire sonner par toutes les rues en la portant en sa main, dont tout le monde se resjouyst fort: mais il en advint un inconvenient bien grand, car la portant ainsi, et la faisant sonner par les rues, tout le bon vin D' orleans poulsa, et se gasta. De quoy le monde ne se advisa que la nuyct ensuyvant: car un chascun se sentit tant alteré de avoir beu de ces vins poulsez, qu'ilz ne faisoient que cracher aussi blanc comme cotton de Malthe disans, nous avons du Pantagruel, et avons les gorges sallees.

Ce faict vint a Paris avecques ses gens. Et a son entree tout le monde sortit hors pour le veoir, comme vous scavez bien que le peuple de Paris est sot par nature, par bequare, et per bemol, et le regardoyent en grand esbahyssement, et non sans grande peur qu'il n'emportast le Palais ailleurs en quelque pays a remotis, comme son pere avoit emporté les campanes de nostre dame, pour atacher au col de sa jument.Et apres quelque espace de temps qu'il y eut demouré et fort bien estudie en tous les sept ars liberaulx, Il disoit que c'estoit une bonne ville pour vivre, mais non pour mourir car le guenaulx de sainct Innocent se chauffoyent le cul des ossemens des mors. Et trouva la librairie de sainct Victor fort magnificque, mesmement

d'aulcuns livres qu'il y trouva desquelz s'ensuit le repertoyre, et primo. BIgua salutis. Bregueta juris. Pantofla decretorum. Malogranatum vitiorum. Le peloton de theologie. Le vistempenard des prescheurs, compose par Turelupin. La couillebarine des preux. Les hanebanes des evesques. Marmotretus de baboinis et cingis cum commento Dorbellis. Decretum universitatis Parisiensis super gorgiasitate muliercularum ad placitum. L'apparition de saincte Geltrude a une nonnain de Poissy estant en mal d'enfant. Ars honeste pettandi in societate per M. Ortuinum. Le moustardier de penitence. Les hoseaulx, alias les bottes de patien (ce. Formicarium artium. De brodiorum usu et honestate chopinandi,

Page Fu.26.

per Silvestrem prieratem Jacospinum. Le beliné en court. Le cabat des notaires. Le pacquet de mariage. Le creziou de contemplation. Les fariboles de droict. L'aguillon de vin. L'esperon de fromaige. Decrotatorium scholarium. Tartaretus de modo cacandi. Les fanfares de Rome. Bricot de differentiis soupparum. Le culot de discipline. La savate de humilité. Le tripier de bon pensement. Le chaulderon de magnanimité. Les hanicrochemens des confesseurs. La croquignolle des curés. Reverendi patris fratris Lubin i provincialis Bavardie, de croquendis lardonibus libri tres. Pasquili doctoris marmorei. de capreolis cum chardoneta comedendis tempore papali ab ecclesia interdicto.

Page [26v]

L'invention saincte croix a six personaiges jouée par les clercs de finesse. Les lunettes des Romipetes. Majoris de modo faciendi boudinos. La cornemuse des prelatz. Beda de optimitate triparum. La complainte des advocatz sus la reformation des dragees. Le chatfourré des procureurs. Des poys au lart cum commento. La profiterolle des indulgences. Preclarissimi juris utriusque doctoris Maistre. Pilloti. Racquedenari de bobelidandis glosse. Accursiane baguenaudis repetitio enucidilu culidissima. Stratagemata Francarchieri de Baignolet. Franctopinus de re militari cum figuris Tevoti. De usu et utilitate escorchandi equos et equas, autore m. nostro de Quebecu. La rustrie des prestolans. Magistri nostri Rostocostojambedanesse, de moustarda

Page Fu.27.

post prandium servienda lib. quatuordeci, apostilati p. M. Vaurrillonis Le couillaige des promoteurs. Questio subtilissima, Utrum Chimera in vacuo bombinans possit comedere secundas intentiones? et fuit debatuta per decem hebdomadas in concilio Constantiensi. Le maschefain des advocatz. Bar bouilamenta Scoti. Le retepenade des cardinaulx. De calcaribus removendis decades undecim, per m. Albericum de rosata. Ejusdem de castrametandis crinibus lib. tres. L'entree de anthoine de Leive es terres du Bresil. Marforii. bacalarii cubentis Rome, de pelendis mascarendisque cardinalium mulis Apologie d'icelluy contre ceulx qui disent que la mule du pape ne mange qu'a ses heures. Pronostication que incipit Silvius triquebille balata per m. n Songecrusyon.

Page [27v]

Boudarini episcopi de emulgentiarum profectibus eneades novem cum privilegio papali ad triennium et postea non. Le chiabrena des pucelles. Le culpelé des vefves. La cocqueluche des moines. Les brimborions des padres Celestins. Le barrage de manducité. Le clacquedent des marroufles. La ratouere des theologiens L'embouchouoir des maistres en ars. Les marmitons de Olcam a simple tonsure. Magistri n. Fripesaulce tis de grabellationibus. horrarum canonicarum, lib. quadraginta. Cullebutatorium confratriarum, incerto (autore. La cabourne des briffaulx. Le faguenat des Hespaignolz super coquelicanticqué par frai Inigo. La barbotine des marmiteux. Poiltronismus rerum Italicarum autore magistro Bruslefer. Raymond Lullius de batisfolagiis principum.

Page Fu.28.

Callibistratorium caffardie, autore M. Jacobo Hocstratem hereticometra. Chault couillons de magistro nostrandorum magistro nostratorumque beuvetis lib. octo gualantissimi. Les petarrades des bullistes, copistes, scripteurs, abbreviateurs, referendaires, et dataires compillees par Regis. Almanach perpetuel pour les gouteux et verollez. Maneries ramonandi fournellos, par M. Eccium. Le poulemart des marchans. Les aisez de vie monachale. La gualimaffree des Bigotz. L'histoire des farfadetz. La belistrandie des Millesouldiers. Les happelourdes des officiaulx. La bauduffe des thesauriers. Badinatorium sophistarum. Antipericatametanaparbeugedamphicribrationes merdicantium. Le limasson des rimasseurs. Le boutavent des Alchymistes.

Page [28v]

La nicquenocque des questeurs cababezacee par frere Serratis. Les entraves de religion. La racquette des brimbaleurs. L'acoudoir de vieillesse. La museliere de noblesse. La patenostre du cinge. Les grezillons de devotion. La marmite des quatre temps. Le mortier de vie politicque. Le mouschet des hermites. La barbute des penitenciers. Le trictrac des freres frapars. Lourdaudus de vita et honestate braguardorum, Lyrippii Sorbonici moralisationes, per m. Lupoldum. Les brimbelettes des voyageurs. Les potingues des evesques potatifz. Tarraballationes doctorum Coloniensium adversus Reuchlin. Les cymbales des dames. La martingalle des fianteurs. Virevoustatorum nac quettorum per. f.

Page Fu.29

Pedebilletis. Les bobelis de franc couraige. La mommerie des rebatz et lutins. Gerson de auferibilitate pape ab acclesia. La ramasse des nommez et graduez. Johannes Dytebrodii de terribiliditate excomunicationum libellus acephalos. Ingeniositas invocandi diabolos et diabolas per M. Guinguolfum. Le hoschepot des perpetuons. La morisque des hereticques. Les henilles de Gaietan. Moillegroin doctoris cherubici de origine patepelutarum et torticollorum ritibus lib. septem. Soixante et neuf breviaires de haulte gresse. Le godemarre des cinq ordres des mendians. La pelletiere des tyrelupins, extraicte de la bote fauve incornifistibulee en la somme angelicque. Le Ravasseur des cas de conscience. La bedondaine des presidens.

Page [29v]

Le vietdazouer des abbés. Sutoris adversus quendam qui vocaverat eum fripponnatorem, et quod fripponnatores non sunt damnati ab ecclesia. Cacatorium medicorum. Le rammonneur d'astrologie. Campi clysteriorum per.§. C. Le tyrepet des apothecaires, Le baisecul de chirurgie. Justinianus, de cagotis tollendis, Antidotarium anime. Merlinus Coccaius de patria diabolorum, Desquelz aulcuns sont ja imprimez, et les aultres l'on Imprime maintenant en ceste noble ville de Tubinge