¶Comment Gargantua soy peignant faisoit tomber de ses cheveulx les boulletz de artillerye. Cap. xxxv.

Issuz de la rive de Vederive de VedeVede peu de temps apres abourderent au chasteau de Grandgouzierchasteau de GrandgouzierGrandgouzier, qui les attendoyt en grand desir.

A sa venue ilz le festoyerent a tour de bras/ jamais on ne veit gens plus joyeux. Car Supplementum Supplementi chronicorum, dict que Gargamelle y mourut de joye, je n’en scay rien de ma part, et bien peu me soucye ny d’elle ny d’aultre femme que soyt. La verite feut que Gargantua se refraischissant d’habillemens / et se testonnant de son peigne (qui estoit grand de sept cannes, tout apoincte de grandes dens de Elephans toutes entieres) faisoit tomber a chascun coup plus de sept balles de bouletz qui luy estoient demourez entre les cheveulx a la demollition du boys de Vedeboys de VedeVede. Ce que voyant Grandgouzier son pere, pensoit que feussent pous, et luy dist. Dea mon bon filz nous as tu aporte jusques icy des esparviers de Montagu ? Je n’entendoys pas que la tu feisse residence. Adonc Ponocrates respondit: Seigneur ne pensez pas que je l’aye mis au colliege de pouillerie qu’on nomme Montagu, mieulx le eusse voulu mettre entre les guenaux de sainct Innocent, pour l’enorme cruaulte et villenye que je y ay congneu. Car trop mieulx sont traictez les forcez entre les Maures et Tartares/ les meurtriers en la tour criminelle, voyre certes les chiens en vostre maison, que ne sont ces malautruz on dict colliege. Et si j’estoys roy de Paris, le diable m’emport si je ne mettroys le feu dedans et faisoys brusler et principal et regens, qui endurent veoir ceste inhumanite davant leurs yeulx. Lors levant un de ces boulletz dist, ce sont coups de canon que n’a guyeres a repceu vostre filz Gargantua passant davant le boys de Vedeboys de VedeVede par la Trahison de vos ennemys. Mais ilz en eurent telle recompense/ qu’ilz sont tous perilz en la ruine du chasteau: comme les Philistins par l’engin de Sanson, et ceulx que opprima la tour de Siloetour de SiloeSiloe, desquelz est escript Luce. xiii. Iceulx je suys d’advis que nous poursuyvons ce pendant que l’heur est pour nous. Car l’occasion a tous ses cheveulx au front, quand elle est oultre passee, vous ne la povez plus revocquer, elle est chauve par le darriere de la teste/ et jamais plus ne retourne. Vrayement, dist Grandgouzier, ce ne sera pas a ceste heure/ car je veulx vous festoyer pour ce soir, et soyez les tresbien venuz. Ce dict on apresta le soupper et de surcroist feurent roustiz seze beufz, troys genisses, trente et deux veaux, soixante et troys chevreaux moissonniers quatre vingtz quinze moutons, troys cens gourretz de laict a beau moust/ unze vingt perdrys, sept cens becasses, quatre cens chappons de Loudunoys et Cornouaille, six mille poulletz et autant de pigeons, six cens gualinottes quatorze cens levraulx, troys cens et troys hostardes, et mille sept cens hutaudeaux. De venaison l’on ne peut tant soubdain recouvrir, fors unze sangliers, qu’envoya l’abbe de Turpenay / et dix et huyt bestes fauves que donna le seigneur de Grandmon d: ensemble deux vings faisans qu’envoya le seigneur des Essars, et quelques douzaines de Ramiers/ de oiseaux de riviere, de cercelles/ Buors Courtes/ Pluviers/ Cravans/ Tyransons / Tadournes/ Pochecullieres/ Pouacres/ Hegronneaux/ Foulques/ Aigrettes/ Ciguongnes/ Cannes petieres, et renfort de potages. Sans poinct de faulte il y avoit vivres a suffizance et feurent aprestez honestement par Frippesaulce / Hoschepot et Pilleverjus cuisiniers de Grandgouzier. Janot Micquel et Verrenet appresterent fort bien a boire.