Quant nous vismes que nous ne leur povions aultre mal faire, nous retournasmes amasser toutes celles que nous avions tuez et les salasmes en nostre naef, puis les fismes seicher, les unes a la fumee, les aultres au soleil, lesquelles nous servirent bien puis apres. Si elles ne se fussent saulvees audict fleuve nous en eussions emply tout nostre navire et vous en eussions aporte pour veoir et pour manger, car elles sont fort bonnes.