Comment l' isle sonante avoit esté habitee des Siticines, lesquels estoyent devenuz oyseaux.

Noz jeusnes parachevez, l’Hermite nous baille unes lettres adressante a un qu’il nommoit maistre Editus de l’ isle sonantemaistre Editus de l’ isle sonanteisle sonante, mais Panurge le saluant l’appelle maistre Anthitus : c’estoit un petit bonhomme vieulx, chanu, a museau bien enluminé, a face bien cramoisie, et nous feit tres bon recueil a la recommandation de l’Hermite, entendant que nous avions jeusné comme dessus a esté declairé. Apres avoir tresbien repeu nous monstra les singularitez de l’isle, affermant qu’elle avoit esté premierement habitee par les Siticines: mais par l’ordre de nature comme toutes choses varient,

estoyent devenuz oyseaulx. Là j’eu pleine intelligence de ce que Atteus Capito, Paulus Marcellus, Aulus Gellius, Atheneus, Suidas, Amonius, et autres avoyent escript des Siticines et des Sicinnistes, et difficiles ne nous semblerent les transformations de Progne, Itis, Alcione, Alcithoe, Antigone, Terreus et autres, en oyseaulx. Peu de difficulté aussi feismes nous des enfans de Matabrune convertis en Signes, et des hommes des Pallene en Thrace, lesquels soubdain que par neuf fois se baignent ou palud Tritomen, sont en oyseaux transformez. Depuis autres propos ne nous tint que de caiges et oyseaux: les caignes estoyent grandes, riches, et somptueuses, et faictes par merveilleuse architecture. Les oyseaulx estoyent beaux, grans et petis, aucunement ressemblans les hommes de ma patrie: beuvoyent, mangeoyent comme hommes, et ementissoyent comme hommes, dormoyent et roussinoyent comme homhommes: bref a les veoir eussiez dit que c’estoyent hommes, hommes toutesfois n’estoyent mye, protestant qu’ils n’estoyent ny seculiers ny mondains. Aussi leur pennage nous mettoit en resverie: lequel aucuns avoyent tout blanc, autres tout noir, autres tout gris, autres mypartis de blanc et de noir: autres tout rouge, autres mypartis de blanc et de bleu, c’estoit belle chose que de les veoir. Les masles ils nommoyent Clercygaulx, Monesgaux, Prestre gaulx, Abbegaulx, Evesquegaulx, Cardingaulx, et Papegault, qui est unique en son espece. Les femelles ils nommoyent clercigesses, monegesses, prestregesses, evesgesses, cardingesses, Papegesses, tout ainsi toutesfois nous dist il qu’entre les abeilles hantent les frellons, qui rien ne font fors tout manger et tout gaster. Ainsi depuis trois cens ans ne sçay comment entre ses oyseaulx estoit par chascune quinte lune advolé grand nombre de Cagotz, lesquels avoyent honny et conchié toute l’isle, tant hideux et monstrueux que de tous estoyent fuiz : car tous avoyent le col tors, les pattes pelues, les griffes et ventre de herpies, et les culz de Stymphalides, et n’estoit possible les exterminer, pour un mort en advolent vingt et quatre. Je y soubhaitte quelque Hercules, parce que frere Jehan y perdit le sens par vehemence de contemplation.