Comment Gargantua nasquit en facon bien estrange. Chapitre. vi.
Eulx tenens ces menuz propos de beuverie, Gargamelle commenca se porter mal du bas. Dont Grandgousier se leva dessus l'herbe, et la reconfortoit honestement, pensant que ce feut mal d'enfant, et luy disant qu'elle s'estoit la herbee soubz la saulsaye et qu'en brief elle feroit piedz neufz par ce luy convenoit prendre couraige nouveau au nouvel advenement de son poupon, et encores que la douleur luy feust quelque peu en fascherie: toutesfoys que ycelle seroit briefve, et la joye qui toust succederoit, luy tolliroit tout cest ennuy: en sorte que seulement ne luy en resteroit la soubve
Couraige, couraige (dist il) ne vous souciez au reste, et laissez faire au quatre boeufz de devant. Je m'en voys boyre encores quelque veguade. Si ce pendent vous survenoit quelque mal, je me tiendray pres, huschant en paulme je me rendray a vous.
Peu de temps apres elle commenca a souspirer, lamenter et crier. Soubdain vindrent a tas saiges femmes de tous coustez. Et la tastant par le bas, trouverent quelques pellauderies, assez de maulvais goust, et pensoient que ce feust l'enfant, mais c'estoit le fondement qui luy escappoit, a la mollification du droict intestine, lequel vous appelez le boyau cullier, par trop avoir mangé des tripes comme avons declaire cy dessus.
Dont une horde vieille de la compaignie, laquelle avoit reputation d'estre grande medicine et la estoit venue de Brizepaille d'aupres Sainct Genou devant soixante ans, luy feist un restrinctif si horrible, que tous ses larrys tant feurent oppilez et reserrez, que a grande poine avesques les dentz, vous les eussiez eslargiz, qui est chose bien horrible a penser. Mesmement que le diable a la messe de sainct Martin escripvant le quaquet de deux gualoises, a belles dentz alongea son parchemin.
Par cest inconvenient feurent au dessus relaschez les cotyledons de la matrice, par lesquelz sursaulta l'enfant, et entra en la vene creuse, et gravant par le diaphragme jusques au dessus des espaules (ou ladicte vene se part en deux) print son chemin a gauche, et sortit par l'aureille senestre.
Soubdain qu'il fut né, ne cria comme les aultres enfans, mies, mies. Mais a haulte voix s'escrioit, a boire, a boire, a boire. comme invitant tout le monde a boire. si bien qu'il fut ouy de tout le pays de Beusse et de Bibaroys.
Je me doubte que ne croyez asseurement ceste estrange nativité. Si ne le croyez, je ne m'en soucie, mais un homme de bien, un homme de bon sens croit tousjours ce qu'on luy dict, et qu'il trouve par escript.
Est ce contre nostre loy, nostre foy, contre raison contre la saincte escripture? De ma part je ne trouve rien escript es bibles sainctes, qui soit contre cela. Mais si le vouloir de Dieu tel eust esté
- Bacchus ne fut il engendré par la cuisse de Jupiter ?
- Rocquetaillade nasquit il pas du talon de sa mere?
- Crocquemouche de la pantofle de sa nourrice?
- Minerve, nasquit elle pas du cerveau par l'aureille de Jupiter ?
- Adonis par l'escorce d'un arbre de mirrhe?
- Castor et Pollux de la cocque d'un oeuf pont et esclous par Leda.
Mais vous seriez bien dadvantaige esbahys et estonnez, si je vous expousoys presentement tout le chapite de Pline, auquel parle des enfantemens estranges, et contre nature. Et toutesfoys je ne suis poinct menteur tant asseuré comme
Réel
![]() ![]() ![]() ![]() |
||||
Région, contrée
![]() ![]() ![]() ![]() ![]() ![]() |
||||
|
|
|