Comment Gargantua soy peignant faisoit tomber de ses cheveulx les boulletz d'artillerye. Chapitre. xxxvij.

Issuz la rive de Vederive de VedeVede peu de temps apres aborderent au chasteau de Grandgouzierchasteau de GrandgouzierGrandgouzier, qui les attendoit en grand desir. A sa venue ilz le festoyerent a tour de bras, jamais on ne veit gens plus joyeux, Car Supplementum Supplementi chronicorum, dict que Gargamelle y mourut de joye, je n'en

scay rien de ma part, et bien peu me soucie ny d'elle ny d'aultre. La verite fut que Gargantua se refraischissant d'habillemens, et se testonnant de son pigne (qui estoit grand de cent cannes, appoincté de grandes dens de Elephans toutes entieres) faisoit tomber a chascun coup plus de sept balles de bouletz qui luy estoient demourez entre ses cheveulx a la demolition du boys de Vedeboys de VedeVede. Ce que voyant Grandgousier son pere, pensoit que feussent pous, et luy dist. Dea mon bon filz nous as tu aporte jusques icy des esparviers de Montagu ? Je n'entendoys que la tu feisse residence. Adonc Ponocrates respondit. Seigneur ne pensez que je l'aye mis au colliege de pouillerie qu'on nomme Montagu, mieulx le eusse voulu mettre entre les guenaux de sainct Innocent, pour l'enorme cruaulté et villennie que je y ay congneu. Car trop mieulx sont traictez les forcez entre les Maures et Tartares, les meurtriers en la prison criminelle, voyre certes les chiens en vostre maison, que ne sont ces malautruz audict colliege. Et si j'estoys roy de Paris, le diable m'emport si je ne metoys le feu dedans et faisoys brusler et principal et regens, qui endurent ceste inhumanite davant leurs yeulx estre exercee.

Lors levant un de ces boulletz dist, ce sont coups de canon que n'a guyeres a repceu vostre filz Gargantua passant davant le boys de Vedeboys de VedeVede par la trahison de vos ennemys. Mais ilz en eurent tel le recompense qu'ilz sont tous periz en la ruine du chasteau: comme les Philistins par l'engin de Sanson, et ceulx que opprima la tour de Siloetour de SiloeSiloe, desquelz est escript Luce. xiij. Iceulx je suis d'ad vis que nous poursuyvons ce pendent que l'heur est pour nous. Car l'occasion a tous ses cheveulx au front, quand elle est oultre passee, vous ne la povez plus revocquer, elle est chauve par le darriere de la teste, et jamais plus ne retourne.

Vrayement dist Grandgousier, ce ne sera pas a ceste heure, car je veulx vous

festoyer pour ce soir, et soyez les tresbien venuz. Ce dict on apresta le soupper et de surcroist feurent roustiz seze beufz troys genisses, trente et deux veaux, soixante et troys chevreaux moissonniers quatre vingt quinze moutons, troys cens gourretz de laict a beau moust, unze vingt perdrys, sept cens becasses, quatre cens chappons de Loudunoys et Cornouaille, six mille poulletz et autant de pigeons, six cens gualinottes, quatorze cens levraux, troys cens et troys hostardes, et mille sept cens hutaudeaux, de venaison l'on ne peut tant soubdain recouvrir, fors unze sangliers, qu'envoya l'abbe de Turpenay , et dix et huict bestes fauves que donna le seigneur de Grandmontseigneur de GrandmontGrandmont : ensemble sept vingt faisans qu'envoya le seigneur des Essars, et quelques douzaines de Ramiers, de oiseaux de riviere, de Cercelles, Buours, Courtes, Pluviers, Francolys, Cravans, Tyransons, Vanereaux, Tadournes, pochecullieres, pouacres, Hegronneaux, Foulques, Aigrettes, Cigouingnes, Cannes petieres, Oranges, Flammans, (qui sont phoenicopteres) Terrigoles, poulles de Inde force Coscossons, et renfort de potages. Sans poinct de faulte y estoit de vivres abondance et feurent aprestez honnestement par Fripesaulce, Hoschepot et pilleverjus cuisiniers de Grandgousier. Janot Micquel et Verrenet apresterent fort bien a boyre.