, Pseudo-Rabelais, Le Disciple de Pantagruel (1538)

Comme l’on dancea ung bransle auquel une des damoyselles de la Royne fist ung sault merveilleux, dont elle demoura pendue au hault de la salle et de plusieurs aultres dances. Chapitre XVI.

La premiere dance faicte les menestriers sonnerent ung bransle auquel toutes les dames se mirent a dancer, et trousserent toutes leurs robbes et cottes par devant. Lors se mirent a faire gambades et sombresaultz, de sorte qu’elles jectoient les piedz jusques au plancher, fallotz saultoient,

Page 22
lanternes culbutoient cul par sus teste comme si ce fussent tumbereaulx de verbrye.

Je vous certifie que si vous les eussiez veues come nous, vous vous fussies seignez de la main gauche de peur de la gresle, elles se entrenoient par dessoubz les bras et faisoient saulter les unes, les aultres si hault en l’air qu’il y en eust une qui effondra le plancher de dessus la sale de sa teste, et demoura pendue par le menton, au moyen de quoy la feste fut toute troublee, Toutesfoys elle fut descrochee et portee en sa chambre toute pasmee et esvanouye.

Je ouy la royne qui la reprint et blasma fort de sa legierete, car elle fut en danger que sa chandelle fust estaincte, et qu’elle perdist sa lumiere et sa clarte, et qu’elle demourast aveugle.

Les cirurgians de la royne luy mirent des huyles de roses, de lys et de mirtes, avec de la layne a tout le suif soubz la gorge, dont elle fut incontinent guerie.

Au moyen de quoy elles se prindrent toutes a dancer de rechief Les six visaiges La rouagace Le trihory de Bretaigne Les crapaultz et les grues La gaillarde

Page [22v]
La marquise Sy j’ay mon joly temps perdu L’espine c’est a grand tort La frisque Par trop je suis brunet De mon triste et desplaisir Quant m’y souvient La galiotte La gotte Marry de par sa femme La gaye Mal maridade La pamyne Katherine Saint Roch Sancerre Nevers Picardye la jolie Cure venez donc Je demeure seulle esgaree La mousque de biscaye L’entree du fol A la venue de noel La peronnelle A la bannye Governal
Page 23
Foix Verdure Princesse d’amours Le cueur est mien Le cueur est bon Jouyssance Chasteau briant Beurre frais Elle s’en va La ducatte Hors de soulcy Jaquelyne Le grant helas Tant ay d’ennuy Mon cueur sera d’aymer La signose Beau regard Les regretz du mors La doloreuse Sans elle ne puis Perrichon Maulgre danger En l’ombre d’ung buissonnet La douleur qui au cueur me blesse La fleurye Frere pierre Les grans regretz
Page [23v]
Va t’en regret Toute noble cite n’y boutez pas tout n’y boutez que le bout Les regretz de l’aigneau Le bail D’espaigne Cremone La merciere La tripiere Mes enfans c’est simplement donne congie Mon con est devenu sergent Par faulx semblant La valentinoise Expec ung poc ou pauc Le regnon d’ung esgare Fortune a tort Testimonyon Calabre Qu’est devenue ma mignonne L’estrac Amours Esperance En attendant la grace de ma mignonne Robinet Triste plaisir Regoron piorny
Page 24
L’oyselet Biscaye En elle n’ay plus de fiance En plains et pleurs je prens conge La doloreuse Ce que scaves qu’il est bon Tyre toy la guillot Amours m’ont faict Desplaisir La pacience du more Le petit helas Les souspirs du poulin A mon retour Je ne scay pas pourquoy Je ne fais plus Povres gensdarmes Faisons la faisons Noyre et thennee Le faucheron La belle francoyse Ce n’est pas jeu c’est ma pensee Loyal espoir Beaulte Te gratiorius Pacience
Page [24v]
c’est mon plaisir Navarre Hac bourdaing Fortune l’alemande Les pensees de ma dame Penses tous la peur Regnault le fort Elle a grant tort Je ne scay pas pour quoy Helas que vous a faict mon cueur Noblesse Tout au rebours He dieu quelle femme j’avoue l’heure est venue de me plaindre Mon cueur sera d’aymer Cauldal c’est mon mal Dulcis amica Qui est bon a ma semblance La chault Les chasteaulx La girofflee Vazam mon Jurez le poyx Il est en bonne heure ne La nuyct La douleur de l’escuyer
Page 25
La douleur de la charte Le grand alemant a dieu m’en voys Bon gouvernement Mi sou net Pampelune Ilz ont menti Pour avoir faict au gre de mon mary Les manteaulx jaunes Ma joye Ma cousine Le mont de la vigne Toute semblable Elle revient A la moytie Tous les biens Ce qui vous plaira La marguerite Or faict il bon Puis qu’en amours suis malheureux A la verdure Sur toutes les couleurs La lesne En la bonne heure Or faict il bon aymer Le temps passe Le joly boys
Page [25v]
l’heure vient Le plus dolent Mes plaisirs chantz Mon joly cueur Bon pied bon oeil Hau bergere mamye Touche luy l’antiquaille Baille luy le bransle a la tisserande La pavenne.

Qui sont toutes dances pour saulter et pour gambader, nous les regardasmes jusques en la fin, puis la royne feit apporter le vin et les happelourdes confites en jus de gramelottes et de lambourdes et force grimaces salees rosties au rays de la lune de peur du halle, lesquelles sont fort savoreuses, et quant chascun en eust prins ce qu’il luy pleut, la retraicte fut sonnee par quoy la royne print ung fallot par dessoubz le bras lequel avoit le semblant d’estre homme de bien, je ne scay pas si c’estoit son mary, mais tant y a qu’il se retira quant et elle, toutesfoys elle envoya grand nombre de fallotz pour nous convoyer jusques en nostre navire, et feit emplir tous nos flaccons et barraulx de bourbelot qui est brevaige fort exquis en lanternoys, je croy que si ung homme se en enyvroit qu’il deviendroit lanterne.

Page 26

J’eu grand peur que mes gens ne s’en gattissent, toutesfoys grace a dieu, tout se porta bien, et n’en vint aulcun inconvenient.

Réel    Hypothétique    Fictif    Mythique   
Région, contrée    Ville, village    Bâtiment    Étendue, cours d'eau    Montagne, île, ...    Autre