Page [74v]

Comment un grand clerc de Angleterreclerc de AngleterreAngleterre vouloit arguer contre Pantagruel, et fut vaincu par Panurge. Chap. xviij.

En ces mesmes jours un scavant homme nommé Thaumaste oyant le bruict et renommee du scavoir incomparable de Pantagruel vint de pays de Angleterre en ceste seule intention de veoir Pantagruel, et le congnoistre. et esprouver si tel estoit son scavoir comme en estoit la renommee. De faict arrivé a Paris se transporta vers l'hostel dudict Pantagruel qui estoit logé

Page Fu.75.
a l'hostel sainct Denysl'hostel sainct Denyssainct Denys, et pour lors se pourmenoit par le jardin avecques Panurge, philosophant a la mode des Peripateticques. De premiere entree tressaillit tout de paour, le voyant si grand et si gros: puis le salua, comme est la facon, courtoysement luy disant.Bien vray est il ce dit Platon prince des philosophes, que si l'imaige de science et sapience estoit corporelle et spectable es yeulx des humains, elle exciteroit tout le monde en admiration de soy.Car seullement le bruyt d'icelle espendu par l'air, s'il est receu es aureilles des studieux et amateurs d'icelle, qu'on nomme Philosophes, ne les laisse dormir ny reposer a leur ayse, tant les stimule et embrase de acourir au lieu, et veoir la personne, en qui est dicte science avoir estably son temple, et produyre ses oracles.

Comme il nous feust manifestement demonstre en la Royne de Saba, que vint des limites d'Orient et mer Persicque pour veoir l'ordre de la maison

Page [75v]
du saige Salomon et ouyr sa sapience.

En Anacharsis qui de Scithie alla jusques en Athenes pour veoir Solon.

En Pythagoras, qui visita les vaticinateurs Memphiticques.En Platon qui visita les Mages de Egypte et Architas de Tarente.En Apolonius Tyaneus. qui alla jusques au mont Caucase, passa les Scytes, les Massagettes, les Indiens, naviga le grand fleuve Physon, jusques es Brachmanes pour veoir Hiarchas. Et en Babyloine, Caldee, Medee, Assyrie, Parthie, Syrie, Phoenice, Arabie, Palestine, Alexandrie, jusques en Ethiopie, pour veoir les Gymnosophistes.Pareil exemple avons nous de Tite Live, pour lequel veoir et ouyr plusieurs gens studieux vindrent en Rome, des fins limitrophes de France et Hespagne.Je ne me ause recenser au nombre et ordre de ces gens tant parfaictz: mais bien je veulx, estre dict studieux, et amateur, non seulement des lettres, mais aussi

Page Fu.76.
des gens lettrez.De faict ouyant le bruyt de ton scavoir tant inestimable, ay delaisse pays, parens et maison, et me suis icy transporte, rien ne estimant la longueur du chemin, l'attediation de la mer, la nouveaulté des contrees, pour seulement te veoir, et conferer avecques toy d'aulcuns passages de Philosophie, de Geomantie, et de Caballe, desquelz je doubte et ne puis contenter mon esprit, lesquelz si tu me peulx souldre: je me rens des a present ton esclave moy et toute ma posterite: car aultre don ne ay que assez je estimasse pour la recompense. Je les redigeray par escript et demain le feray scavoir a tous les gens scavans de la ville: affin que devant eulx publicquement nous en disputons.

Mais voicy la maniere comment j'entens que nous disputerons.Je ne veulx disputer, pro et contra, comme font ces sotz sophistes de ceste ville et de ailleurs Semblablement je ne veulx disputer en la maniere des Academicques:

Page [76v]
par declamation, ny aussi par nombres comme faisoit Pythagoras, et comme voulut faire Picus Mirandula a Romme. Mais je veulx disputer par signes seulement sans parler: car les matieres sont tant ardues, que les parolles humaines ne seroyent suffisantes a les expliquer a mon plaisir. Par ce il plaira a ta magnificence de soy y trouver, ce sera en la grande salle de Navarre a sept heures de matin.Ces parolles achevees, Pantagruel luy dist honorablement. Seigneur des graces que Dieu m'a donné. Je ne vouldroyes denier a personne en despartir a mon pouvoir: car tout bien vient de luy: et son plaisir est que soit multiplie quand on se trouve entre gens dignes et ydoines de recepvoir ceste celeste manne de honneste scavoir.Au nombre desquelz par ce que en ce temps, comme ja bien appercoy, tu tiens le premier ranc Je te notifie que a toutes heures me trouveras prest de optemperer a une chascune
Page Fu.77.
de tes requestes, selon mon petit pouvoir. Combien que plus de toy je deusse apprendre que toy de moy: mais comme as protesté nous confererons de tes doubtes ensemble, et en chercherons la resolution, jusques au fond du puis inespuisable au quel disoit Heraclite estre la verite cachee.Et loue grandement la maniere d'arguer que as proposee, c'est assavoir par signes sans parler: car ce faisant toy et moy nous entendrons: et serons hors de ces frapemens de mains, que font ces badaulx sophistes quand on argue: alors qu'on est au bon de l'argument.Or demain je ne fauldray me trouver au lieu et heure que me as assigné: mais je te prye que entre nous n'y ait debat ny tumulte, et que ne cherchons honeur ny applausement des hommes: mais la verite seule.

A quoy respondit Thaumaste. Seigneur, dieu te maintienne en sa grace, te remerciant de ce que ta haulte magnificence tant se veult condescendre a ma

Page [77v]
petite vilité.Or a dieu jusques a demain. A dieu dist Pantagruel.Messieurs vous qui lisez ce present escript, ne pensez que jamais gens plus feussent eslevez et transportez en pensee, que furent toute celle nuict, tant Thaumaste que Pantagruel. Car ledict Thaumaste dist au concierge de l' hostel de Cluny, auquel il estoit loge, que de sa vie ne se estoit trouve tant altere comme il estoit celle nuyct. Il m'est (disoit il) advis que Pantagruel me tient a la gorge, donnez ordre que beuvons je vous prie, et faictes tant que ayons de l'eaue fresche, pour me guargariser le palat.

De l'aultre couste Pantagruel entra en la haulte game et toute la nuict ne faisoit que ravasser apres: Le livre de Beda de numeris et signis. Le livre de Plotin de inenarrabilibus. Le livre de Procle de magia. Les livres de Artemidore per onirocriticon. De Anaxagoras perisemion. Dynarius periaphaton.

Page Fu.78.
Les livres de Philistion. Hipponax peri anecphoneton, et un tas d'aultres, tant que Panurge luy dist.

Seigneur laissez toutes ces pensees et vous allez coucher: car je vous sens tant esmeu en vostre esprit, que bien tost tomberiez en quelque fievre ephemere par cest exces de pensement: mais premier beuvant vingt et cinq ou trente bonnes foys retirez vous et dormez a vostre aise, car de matin je respondray et argueray contre monsieur l'Angloys, et au cas que je ne le mette ad metan non loqui, dictes mal de moy.Voire mes (dist Pantagruel) Panurge mon amy, il est merveilleusement scavant, comment luy pourras tu satisfaire? Tresbien, respondit Panurge. Je vous prye n'en parlez plus, et m'en laissez faire, y a il homme tant scavant que sont les diables. Non vrayement (dist Pantagruel) sans grace divine especiale. Et toutesfoys (dist Panurge) j'ai argué maintesfoys contre eulx, et les ay faictz quinaulx

Page [78v]
et mis de cul. Par ce soyez asseure de ce glorieux Angloys, que je vous le feray demain chier vinaigre devant tout le monde. Ainsi passa la nuyct Panurge a chopiner avecques les paiges, et jouer toutes les aigueillettes de ses chausses a primus et secondus, et a la vergette. Et quand vint l'heure assignee il conduysit son maistre Pantagruel au lieu constitué. Et hardiment croyez qu'il n'y eut petit ne grand dedans Paris qu'il ne se trouvast au lieu: pensant, ce diable de Pantagruel, qui a convaincu tous les ruseurs et bejaunes Sophistes, a ceste heure aura son vin: car c'est Angloys est un aultre diable de Vauvert, nous verrons qui en gaignera.

Ainsi tout le monde assemblé, Thaumaste les attendoit. Et lors que Pantagruel et Panurge arriverent a la salle, tous ces grimaulx, artiens, et Intrans commencerent frapper des mains comme est leur badaude coustume.

Mais Pantagruel s'escrya a haulte

Page Fu.79.
voix, comme si ce eust esté le son d'un double canon, disant, Paix de par le diable: paix par dieu coquins si vous me tabustez icy, je vous couperay la teste a trestous.A laquelle parolle ilz demourerent tous estonnez comme canes, et ne ausoient seulement tousser, voire eussent ilz mangé quinze livres de plume. Et furent tant alterez de ceste seule voix qu'ilz tiroyent la langue demy pied hors la gueule, comme si Pantagruel leur eust les gorges salees.Lors commenca Panurge a parler disant a l'Angloys. Seigneur est tu icy venu pour disputer contentieusement de ces propositions que tu as mis, ou bien pour aprendre et en scavoir la verite?A quoy respondit Thaumaste. Seigneur, aultre chose ne me ameine sinon bon desir de apprendre et scavoir ce, dont j'ay doubté toute ma vie, et n'ay trouvé ny livre ny homme qui me ayt contente en la resolution des doubtes que j'ay proposez. Et au regard de disputer par contention, Je ne le veulx
Page [79v]
faire, aussi est ce chose trop vile, et le laisse a ces maraulx Sophistes, Lesquelz en leurs disputations ne cherchent verite mais contradiction et debat.Doncques dist Panurge, si je qui suis petit disciple de mon maistre monsieur Pantagruel, te contente et satisfays en tout et par tout, ce seroit chose indigne d'en empescher mondict maistre, par ce mieulx vauldra qu'il soit cathedrant, jugeant de noz propos, et te contentent au parsus, s'il te semble que je ne aye satisfaict a ton studieux desir.

Vrayement, dist Thaumaste, c'est tresbien dict. Commence doncques.

Or notez que Panurge avoit mis au bout de sa longue braguette un beau Floc de soye rouge blanche. verte, et bleue, et dedans avoit mis une belle pomme d'orange.

Réel    Hypothétique    Fictif    Mythique   
Région, contrée    Ville, village    Bâtiment    Étendue, cours d'eau    Montagne, île, ...    Autre