Comment Pantagruel arriva en l’ Isle de Cassade.
Le tiers jour subsequent entrasmes en l’
Page [34]
quadernes, ternes, double deux. Les autres escoullettez ils nomment six et cinq, six et quatre, six et trois, six et deux, six et az, cinq et quatre, cinq et trois, et ainsi consecutivement, Lors je notté que par le monde peu de Joueurs sont qui ne soient Invocateurs des diables, Car jettans deux dez sur table quant en devotion ils s’escrient sennes mon amy, c’est le grand diable Ambesars, mon mignon c’est le petit diable, quatre et deux mes enfans et ainsi des autres, ils invocquent les diables par leurs noms et surnoms et non seulement les invoquent mais d’iceux se disent amis et familliers, Vray est que ces Diables ne viennent tousjours a soubhait sur l’instant Mais en ce sont ils excusables, ils estoyent ailleurs selon la dacte et priorité des invocans, Pourtant ne faut dire qu’ils n’ayent sens et oreilles, ils en ont je vous diz belles, Puis nous dist qu’autour et a bord de ces rochers carrez plus a esté faict de briz, de naufrage, de pertes de biens et de vie, qu’autour de toutes les Syrtes, Charibdes, Syreines, Scilles, Strophades et Gouffres de toute la mer. Je le creuz facillement me recordant que jadis entre les saiges egiptiens, Neptune estoit designé par le premier cube es lettres hierogliphiques, Comme Appollo, par as, Diane par Page [35]
deux Minerve par sept, La aussi nous dist estre un flasque du sang greal chose divine et a peu de gens congneue, Panurge feist tant par belles prieres avec les Scindicz du lieu quils nous le monstrerent mais ce fut avec plus de cerimonies et solennité troys fois qu’on ne monstre a Florence les Pandectes de Justinian ny la veronicque a Romme, Je ne viz oncques tant de scindaulx, tant de flambeaux de torches de guymples et agios, finalement ce que nous fut monstré estoit le visage d’un Connin rosty, la ne veismes autre chose memorable fors bonne myne femme de mauvais jeu et les cocques de deux oeufz jadis ponnus et esclos par Leda (desquels nasquirent Castor et Pollux freres d’ Heleine la belle), les Scindicz nous en donnerent une petite piece pour du pain, Au departir acheptasmes une botte de Chappeaux et Bonnetz de Cassade a la vente desquels je doute que peu ferons de proffit je croy qu’a l’usage encores moins en feront ceux qui de nous l’achapteront.
Réel
![]() ![]() ![]() ![]() |
||||
Région, contrée
![]() ![]() ![]() ![]() ![]() ![]() |
||||
|
|
|