Au Lecteurs.

Amis lecteurs qui ce livre lisez.
Despoüillez vous de toute affection.
Et le lisants ne vous scandalisez.
Il ne contient mal ne infection.
Vray est qu’icy peu de perfection
Vous apprendrez, si non en cas de rire.
Aultre argument ne peut mon cueur elire.
Voiant le dueil qui vous mine et consomme.
Mieulx est de ris que de larmes escrire.
Pource que rire est le propre de l’homme.

VIVEZ JOYEUX