Or est il ainsi qu’il aymoit fort les oeufz par quoy il y en falloit a chascun repas bien cinquante miliers du moins, car il les avaloit sans mascher comme pois crus tous entiers sans casser pource qu’il avoit les dens grandz et longz, a ceste cause quant ilz avoient este trois jours entiers en son ventre le quel estoit fort chault, les poussins et les pouletz luy sortoient du trou du cul tous esclos de sorte que vous en eussiez bien mange.

Les ungs couroient apres luy, les aultres avoient encor le bec au cul, et les aultres estoient encor demy esclos, et le corps a demy dedens son ventre.

Quant ilz avoient froid il les couvroit de son manteau pour les rechaufer, le quel estoit plus large que la ville de Paris (voyre troys foys pour le moins) s’il estoit bien mesure.