Des ecclipses de ceste annee. Chapitre. ii.

Ceste annee seront tant d'ecclipses du Soleil et de la Lune que j'ay peur (et non a tort) que noz bourses en patiront inanition et nos sens perturbation. Saturne sera retrograde. Venus directe. Mercure insconstant. Et un tas d'aultres planetes ne iront pas a vostre commendement. Dont pour ceste annee les chancres iront de cousté, et les cordiers a reculons, les escabelles monteront sur les bancs, les broches sur les landiers et les bonnetz sus les chapeaulx. les couilles pendront a plusieurs par faulte de gibessieres, les pusses seront noires pour la plus grande part. le lard fuyra les pois en quaresme:

Page Fu. 139.
le ventre ira devant, le cul se assoira le premier, l'on ne pourra trouver la febve au gasteau des Roys, l'on ne rencontrera poinct d'as au flux, le dez ne dira poinct a soubhait quoy qu'on le flate, et ne viendra souvant la chance qu'on demande, les bestes parleront en divers lieux.Quaresmeprenant gaignera son proces, l'une partie du monde se desguisera pour tromper l'aultre, et courront parmy les rues comme folz et hors du sens, l'on ne veit oncques tel desordre en nature. Et se feront ceste annee plus de xxvii verbes anomaulx sy Priscian ne les tient de court.Si dieu ne nous ayde nous aurons prou d'affaires, mais au contrepoinct, s'il est pour nous, rien ne nous pourra nuyre, comme dict le celeste astrologue, qui feut ravy jusques au ciel, Ro. vii.c. Si deus pro nobis quis contra nos? Ma foy nemo domine, Car il est trop bon et trop puissant. Icy benissez son sainct nom, pour la pareille.

Réel    Hypothétique    Fictif    Mythique   
Région, contrée    Ville, village    Bâtiment    Étendue, cours d'eau    Montagne, île, ...    Autre   
2 Personnes
0 Lieu