Quant nous eusmes bien tout visite et enquis toutes les merveilles d’icelles isles fortunees. Bien garnys d’argent et de tous vivres. Nous tirasmes oultre et a une petite journee de la, nous veismes une petite isle toute ronde qui n’est pas fort grande, car elle n’est pas de grande spaciosite ny de grande estandue.

Laquelle est moult forte et quasi imprenable pour ce qu’elle est toute environnee et close de fours chaulx, qui ont tous le cul tourne vers la mer, et les gueulles vers la terre, et n’y peust l’on entrer que par une porte qui est grande et espesse et infrangible car elle est toute faicte de fromaige fondu seiche et endurcy au soleil, plus dur que le plus fort acier du monde.

Les varroux sont tous de beurre de troys cuittes, qui sont plus gros que la jambe d’ung homme.

Icelle porte nous fut ouverte par le portier, moyennant asseurance que nous luy promismes.

Iceulx fours sont tousjours plains de pastez, de diverses sortes. Les ungs de chappon Les aultres de venaison Les aulcuns de veau De beuf De mouton Les ungs au verjust de grain Les aultres a la cyboule, ou au moyeux d’oeufz.

Desquelz chascun prend tant et si petit qu’il veult, et des que l’on en a prins ung, il en sourd ung aultre de l’atre du four tout nouveau en sa place, par quoy les fours en sont tousjours plains.

Il y a sur la gueulle de chascun four ung escripteau en grosse lettre, qui faict mention de la sorte dont sont les pastez, et de quoy, affin qu’on sache mieulx choisir ceulx qu’on veult prendre pour manger avec la foyre a boyre.

Quant nous fusmes entrez dedans icelle isle qui se nomme l’isle de pastemolle. Je fis sonner toutes noz trompettes, clairons, et haultboys, si hault et si melodieusement que pour l’armonie et doulceur des sons divers.

Iceulx fours se prindrent a danser et a saulter si hault en l’air qu’ilz faisoient les sombresaultz et les gambades plus hault en l’air que les tours de nostre Dame de Paris nostre Dame de Parisnostre DameParis, non pas justement si hault, mais il ne s’en failloit guere.

De la quelle chose nous eusmes grand peur, car s’ilz eussent saulte sur noz piedz c’estoit asses pour nous escacher les artailz, pour ce qu’ilz sont fort lourdz et pesans. Et puis la saulce des pastez nous eust tous gastes noz beaulx habitz, et eschaude les visaiges.

Apres qu’ilz eurent bien saulte, dance, et balle. Je fis cesser mes gens de jouer, pour ce que iceulx fours estoient fort las et quasi hors d’alaine, et puis se mirent a chanter de sorte que c’estoit une chose admirable de les ouyr, car ilz ont fort belle voix et grosses, qui sont fort harmonieuses et bien entonnez.

En icelle isle qui a este aultrefoys comme je

Ilz vivent des pastez qui sont tousjours chaulx esdictz fours, et font leur service en marmotin tellement que nostre truchement ne les entendoit point, car il n’avoit jamais este par dela. En icelle isle nous ne veismes aultre chose de nouveau qui soit digne de memoire.