Comment Ulrich Gallet fut envoyé devers Picrochole. Chapitre. xxx.
Les lettres dictees et signees, Grandgousier ordonna que Ulrich Gallet, maistre de ses requestes homme saige et discret, du quel en divers et contencieux affaires il avoit esprouve la vertus et bon advis: allast devers Picrochole, pour luy remonstrer ce que par eux avoit este decrete.
En celle heure partit le bon homme Gallet, et passe le gue demanda au meusnier, de l'estat de Picrochole : lequel luy feist responce que ses gens ne luy avoient laisse ny coq ny geline et qu'ilz s'estoient enserrez en la roche Clermauld et qu'il ne luy conseilloit poinct de proceder oultre de peur du guet, car leur fureur estoit enorme. Ce que facilement il creut, et pour celle nuict herbergea avecques le meusnier.
Au lendemain matin, se transporta avecques la trompette a la porte du chasteau, et requist es guardes, qu'ilz le feissent parler au roy pour son profit.
Les parolles annoncees au roy ne consentit aulcunement qu'on luy ouvrist la porte, mais se transporta sus le bolevard et dist a l'embassadeur: Qu'i a il de nouveau? que voulez vous dire? Adoncques l'embassadeur propousa comme s'ensuit.
Real
![]() ![]() ![]() ![]() |
||||
Region, area
![]() ![]() ![]() ![]() ![]() ![]() |
||||
|
|
|